МЕНТАЛНА ВОЈНА ИЛИ ФАКТ: Тврдења за пронајдено тело на ајатолахот

Израелски функционери тврдат дека ајатолахот Али Хамнеи е мртов и дека неговото тело било пронајдено, но од Техеран нема официјална потврда

Според изјави за Ројтерс и извештаи на израелски медиуми, телото на врховниот лидер наводно било пронајдено во урнатините на погоден комплекс во Техеран. Сепак, иранските власти засега ги отфрлаат ваквите наводи.

Иран демантира

Министерството за надворешни работи на Иран претходно соопшти дека врховниот лидер и претседателот се живи и неповредени. Од канцеларијата на Хамнеи порачаа дека станува збор за „ментална војна“ и повикаа јавноста да не наседнува на непроверени информации.

Кој е Али Хамнеи

Али Хамнеи, роден во 1939 година во Машхад, е врховен лидер на Иран и врховен командант на вооружените сили. Тој има последен збор во клучните политички и безбедносни одлуки и ја контролира Револуционерната гарда. Ситуацијата околу неговиот статус останува нејасна, со спротивставени тврдења од двете страни.