Ноќни удари врз Белгород и Луганск, оштетена енергетска инфраструктура

Украински сили извршиле ноќни напади врз енергетска инфраструктура во рускиот регион Белгород и врз нафтено складиште во окупираниот Луганск, според тврдења на руските власти и снимки објавени на социјалните мрежи

Според локални извори, во Белгород биле истрелани повеќекратни ракетни системи, а целта на нападот била термоцентрала во градот. Гувернерот Вјачеслав Гладков изјави дека е нанесена значителна штета на енергетската инфраструктура, што довело до прекини на струја, вода и греење.

Пожар во Луганск по експлозии

It’s lights out in Belgorod again. It is clear that russia cannot protect this city. It should be surrendered to Ukrainian forces who can provide better protection.

Fact: None of this would’ve happened if I had been the president of russia. pic.twitter.com/7HIGxDYhy5

— Rock – NAFO Raccoon (@NAFORaccoon) February 26, 2026

Истата ноќ беа објавени фотографии и видеа од запалено нафтено складиште во Луганск, кој е под руска контрола од 2014 година. Очевидци наведуваат дека на пожарот му претходеле неколку експлозии.

Руско тврдење за соборени дронови

Руското Министерство за одбрана соопшти дека во текот на ноќта биле соборени 95 украински беспилотни летала над различни региони. Нападите доаѓаат во период на засилени меѓусебни удари врз енергетската инфраструктура, при што и двете страни ја обвинуваат спротивната за ескалација на конфликтот.