„Преведувачката се скрши“: Потресно сведоштво на малиот Роман во Европскиот парламент

Солзи во Брисел: 11-годишниот Роман го расплака Европскиот парламент раскажувајќи како ја загубил мајка си

Во Европскиот парламент во Брисел се случи ретко виден емотивен момент. За време на говорот на 11-годишното украинско момче Роман Олексиев, дури и официјалната преведувачка не можеше да ги задржи солзите и заплака преведувајќи ги неговите зборови. Роман е преживеан од страотниот руски ракетен напад во Вињица во 2022 година, каде што ја загубил својата мајка.

„Ја допрев нејзината коса за да се збогувам“

Роман, кој тогаш имал само 7 години, раскажа морничави детали од денот на нападот (14 јули 2022):

„Таму паднаа три руски ракети. Тоа беше последниот пат кога ја видов мајка ми… Можев да ја допрам нејзината коса и да се збогувам со неа додека беше под урнатините.“

Медицинско чудо: Од 100 дена кома до танцување

Today at the European Parliament, people couldn’t hold back tears as 11-year-old Roman Oleksiv described surviving russia’s July 14, 2022 strike on Vinnytsia.

russia destroys children.
Ukrainian kids are forced to inspire an indifferent world instead of simply living. pic.twitter.com/vyencR44ep

— UAVoyager🇺🇦 (@NAFOvoyager) December 10, 2025

Приказната за опстанокот на Роман е рамна на чудо. Неговата состојба по нападот била критична:

• Имал изгореници на 45% од телото, толку длабоки што стигнале до коските.
• Поминал повеќе од 100 дена во кома.
• Преживеал 35 операции (вклучително и во специјализирана клиника во Дрезден).

Иако лекарите стравувале дека никогаш повеќе нема да оди, Роман денес повторно оди на училиште во Лавов, свири бајан (вид хармоника) и се врати на својата најголема љубов – танцувањето во парови.

Документарецот „Ромчик“

Неговата борба е овековечена во наградуваниот документарен филм „Ромчик“, изработен од студенти на Универзитетот во Лондон. Филмот го освои светот, а Роман лично му го покажал и на Папата. Неговата порака до европратениците беше јасна: „Никогаш, ама баш никогаш не смеете да се откажувате.“