Прскалки од шампањ го предизвикале пеколот: Идентификувани првите 11 деца во Кран-Монтана

Пеколот во Кран-Монтана: Идентификувани првите 11 жртви, преживеаните се непрепознатливи под завоите

Тагата во Швајцарија се продлабочува. Полицијата потврди дека се идентификувани првите 11 жртви од вкупно 40-те загинати во барот „Ле Констелејшн“. Станува збор за млади луѓе на возраст од 16 до 24 години. Но, вистинскиот ужас го опишуваат лекарите – дел од преживеаните се во толку тешка состојба што нивните семејства се уште не знаат дали се живи.

„Лицата им се целосно преврзани, не зборуваат“

Гвидо Бертоласо, здравствен службеник од Ломбардија, ја опиша страшната реалност: „Идентификацијата е исклучително тешка. Лицата на повредените се целосно под завои кои не смееме да ги тргнеме. Тие се интубирани и не можат да зборуваат за да кажат кои се“. Додека Германија прими 11 тешко повредени на лекување, Швајцарија прогласи Ден на жалост на 9 јануари. Истрагата потврди: кобниот пожар бил предизвикан од прскалки на шампањ кои го запалиле таванот.