Весна Љ.
Според соопштението на СДСМ, глетката во Гостивар ќе остане запаметена како ПР спектакл кој се случува на грбот на здравјето на граѓаните. „Политичари и функционери држат здравица. Пијат вода пред камери. Велат ‘на здравје’ и дека е ‘многу вкусна’. А цел месец граѓаните пиеја вода загадена со фекалии,“ истакнуваат од опозициската партија.
Илјадници заболени и нефункционална болница
-
La Linea v5
699 ден
524.25 ден
Од партијата потсетуваат на катастрофалните последици од кризата со водата, при што над 5.000 лица заболеле, а повеќе од 2.000 биле хоспитализирани. Тие посочуваат дека болницата во Гостивар била нефункционална, поради што пациентите морале да бидат префрлани во Тетово, додека градот добил само три цистерни со чиста вода за време на целата криза.
„И сега, кога конечно рекоа дека водата е чиста, наместо одговорност – циркус. Наместо извинување – здравица. Наместо одговорност – ПР спектакл. Во 21 век во европска држава политичари пијат вода пред камери за да докажат дека повеќе не е отруена. Тоа не е успех. Тоа е срам.“
Барање за одговорност
Наместо фалби откако илјадници луѓе завршија во болница, СДСМ бара итно лоцирање на вината. Од партијата директно ги обвинија Владата и премиерот Христијан Мицкоски дека хуманитарниот и здравствен скандал го претвориле во евтин театар.
Според нив, граѓаните на Гостивар не бараат здравици и сликање пред медиумите откако поминале низ едномесечна агонија, туку бараат реална одговорност за загрозувањето на нивното здравје.
