Весна Љ.
Жестоки партиски препукувања: СДСМ обвинува за сомнителни тендери од 9 милиони евра, власта демантира
Тендери во вредност од речиси девет милиони евра се најдоа во центарот на новата политичка војна меѓу власта и опозицијата. Генералниот секретар на СДСМ, Александар Саша Димитријевиќ, на денешната прес-конференција изнесе сериозни обвинувања против Владата, тврдејќи дека фирмата „Дигитал уан“ (Digital One), која била формирана дури на крајот на август минатата година и има само двајца вработени, за краток период добила огромни државни средства.
-
La Linea v9
699 ден
524.25 ден
Според податоците што ги изнесе опозицијата, во периодот од мај до ноември оваа година, компанијата добила шест државни тендери, од кои четири се директно со Генералниот секретаријат на Владата. Најспорниот момент, според СДСМ, е рамковната спогодба за софтверски лиценци за виртуелна платформа, која самата тежи осум милиони евра.
Сомнежи за непотизам и демант од Димче Арсовски
Димитријевиќ јавно го постави прашањето дали сопственикот на фирмата, Кристијан Арсовски, е во роднинска врска со поранешниот портпарол на ВМРО-ДПМНЕ, Димче Арсовски, и ги повика Јавното обвинителство, Финансиската полиција и ДКСК итно да отворат истрага. На ова експресно реагираше Димче Арсовски, кој преку социјалните мрежи категорично ги отфрли обвинувањата, нарекувајќи ги „интриги“. Тој нагласи дека не го познава сопственикот, никогаш не го сретнал и дека единствената сличност е презимето, барајќи јавно извинување од СДСМ – нешто што опозициската партија одби да го стори.
ВМРО-ДПМНЕ: „Набавката е транспарентна и заштедува пари“
Владејачката партија ВМРО-ДПМНЕ излезе со свој став, тврдејќи дека станува збор за редовна и транспарентна јавна набавка. Тие појаснија дека целта на договорите е набавка на сопствени сервери за хостирање на владините апликации, со што ќе се избегне плаќањето на приватни фирми за хостинг услуги. Според нив, компјутерите и лиценците се набавени по најниска понудена цена на пазарот.
