ТЕХЕРАН СО ЗАКАНА: „Подготвуваме разорна одмазда“ по нападот

Иран најави „разорна одмазда“ по нападот што Израел го започна утрово, а кој според извори бил планиран со месеци

Ирански функционер изјави дека Техеран се подготвува за силен одговор. Во меѓувреме, медиумите јавуваат дека се слушнале експлозии во централен Иран, како и во околината на Техеран, Исфахан, Карај и Керманшах.

Вонредна состојба во Израел

Израелскиот министер за одбрана Израел Кац соопшти дека станува збор за превентивен напад со цел отстранување на безбедносни закани. Поради очекуван можен одговор, прогласена е вонредна состојба низ целата земја.

Операција планирана однапред

Според израелски безбедносен извор, нападот бил заедничка американско-израелска операција и датумот бил одреден пред неколку недели. Ситуацијата останува напната, додека меѓународната заедница внимателно го следи развојот на настаните и потенцијалната ескалација во регионот.