Весна Љ.
Канадската влада официјално соопшти дека од 8 септември ќе стапат во сила царини од 15, 25 и 50 отсто, кои ќе опфатат повеќе од 700 американски производи, вклучувајќи челик, алуминиум, млечни производи, апарати за домаќинство, земјоделска опрема и електроника. Овие мерки претставуваат реципрочен одговор на одлуката на американската администрација на чело со Доналд Трамп да воведе царини за канадски производи во иста вредност, кои стапија во сила на 22 август.
Прекинати преговори и принцип „долар за долар“
-
Петок
699 ден
524.25 ден
Канадскиот премиер Марк Карни претходно веќе ги прекина билатералните трговски преговори со Вашингтон, оценувајќи дека условите поставени од американската страна се целосно неприфатливи. Новите канадски мерки се замислени строго по принципот „долар за долар“, со цел целосно да се неутрализира ефектот од американските давачки.
„Канада истовремено најави и пакет финансиска поддршка од околу 7,5 милијарди канадски долари наменета за компаниите и работниците кои би можеле да бидат директно погодени од овој трговски конфликт.“
Страв од нарушување на синџирите на снабдување
И покрај реципрочните мерки, тензиите продолжуваат да ескалираат бидејќи Трамп веќе најави можна опасност од дополнително зголемување на царините за канадските автомобили, автоделови и челик. Со оглед на тоа што двете економии се меѓусебно силно зависни, продолжувањето на трговската војна сериозно се заканува да ги зголеми трошоците за компаниите и потрошувачите, предизвикувајќи нови нарушувања во глобалните синџири на снабдување.
