Весна Љ.
Три активни огништа и четири локации под контрола
Според утринскиот извештај на ЦУК, заклучно со 07:30 часот, фокусот на противпожарните единици е ставен на три критични точки. Во општина Струга активно гори нискостеблеста шума во реонот на селата Буринец, Локов, Селце и Елевци. Паралелно, битка со огнот се води и во општина Македонски Брод кај селото Белица (месност Кајорец), како и во скопската општина Чучер-Сандево, каде во селото Брест на месноста Рамно е зафатена мешана шума.
-
Пиво
699 ден
524.25 ден
Надлежните служби бележат успех на други четири локации кои сега се ставени под целосна контрола. Станува збор за пожарите во селото Бенче во Македонски Брод, месноста Дарда во кичевско Тајмиште, селото Грачани во Ѓорче Петров, како и градската депонија во Делчево.
Огромни напори: Изгаснати 24 пожари низ земјата
И покрај тешките услови, во изминатото деноноќие се изгаснати дури 24 пожари на различни локации низ државата. Во Скопје успешно се ликвидирани пожарите кај Бардовци, на булеварот „Илинденска“ во близина на ЈП „Водовод“, на Љуботенски пат, како и во селата Копаница и Паничари во општина Сарај.
„Според податоците од ЦУК, меѓу изгаснатите пожари низ државата имало огништа на ниска вегетација, шума, стрништа, грмушки, депонии и отпад.“
Освен во главниот град, екипите успешно интервенирале и во Прилеп, Долнени, Кривогаштани, Ново Село, Струмица, Босилово, Охрид, Кичево, Штип, Берово, Куманово, Старо Нагоричане, Крива Паланка, Тетово, Гостивар и Врапчиште, спречувајќи понатамошно ширење на огнените стихии и заштитувајќи ги населените места.
