Тања Савиќ размислува за бебе со младиот пилот: “Не би било фер да не му го родам”

Пејачката Тања Савиќ искрено зборува за проширување на семејството со 11 години помладиот партнер, пилотот Мухамед Муки Бешиќ.

Откако нивната романса процвета во странство, каде што живеат заедно со децата на Тања, двојката ужива во спокоен семеен живот. Тања неодамна сподели како поминале речиси година и пол во заеднички живот, истакнувајќи дека е пресреќна од динамиката во нивниот дом.

– Живееме со моите деца, ги учиме на вредности кои нашите родители ни ги влеале, и тоа многу ми се допаѓа. Сакам да ги воспитаме да бидат добри луѓе – вели пејачката.

Што се однесува до проширувањето на семејството, Тања со насмевка признава дека сака уште едно дете, но не само за себе, туку и за Муки.

– Сакам да имаме дете, затоа што не би било фер да му го ускратам тоа задоволство. Тој ги прифати моите деца и тоа многу го ценам. Запозна и моите родители, и навистина чувствувам дека конечно најдов некој кој ме сака за тоа што сум. Тој е единствениот што би ме трпел, и иако не сум совршена, го гледам како совршен партнер – сподели Тања во емисијата „Ѕвездите на Гранд Специјал“.

Пејачката исто така изрази благодарност што Мухамед ѝ ја вратил вербата во љубовта, додавајќи дека сега чувствува вистинска емоционална стабилност и поддршка во својата врска.