Морничав танц со крвав нож: 15-годишник го убил врсникот, па танцувал додека тој умирал

Еден тинејџер опседнат со ножеви, кој избоде до смрт друг ученик во своето училиште, е осуден на доживотен затвор со минимална казна од 16 години.

Петнаесетгодишниот Мохамед Умар Кан првпат беше именуван вчера како момчето одговорно за убиството на петнаесетгодишниот Харви Вилгус за време на големиот одмор во католичкото средно училиште „All Saints“ во Шефилд на 3 февруари, известува „Daily Mail“.

Кан му нанел смртоносен убод на Харви во срцето за време на конфликт кој траел само девет секунди пред другите ученици во училишниот двор. Двете момчиња претходно се расправале на социјалните мрежи.

Видео-снимка објавена вчера го прикажува Кан како танцува со ножот штотуку употребен за да го убие Харви, додека неговиот врсник лежи на подот во училишната сала и умира.

„Ги обвинувам нив повеќе отколку него“

Во август, Кан беше прогласен за виновен за убиство, откако не успеа да ја убеди поротата дека се работи за убиство без предумисла, предизвикано од наводен губиток на контрола поради злоставување. Судијката вчера ја укина забраната за објавување на името на обвинетиот, кој за време на судењето беше означуван само како Умар.

Изрекувајќи ја доживотната казна, таа му порача на Кан дека неговите постапки ги „осакатиле“ животите на учениците и наставниците. Таа ја прифати можноста Харви да изговорил провокативни зборови, но наведе дека тие „не биле на ниво кое би ти укажало дека Харви претставува реална закана, ниту тоа може да биде олеснителна околност“.

Семејството на жртвата се бореше со солзите додека ја читаше изјавата во судот, велејќи дека „целиот наш свет е засекогаш урнат“. Тие додадоа дека и дедото на Харви починал минатата недела, бидејќи убиството „му го скршило срцето“.

Повеќе од само убиство – хорор-танц и пропуст на системот

Одбраната на Кан тврдеше дека неговото однесување по инцидентот, вклучително и бизарното танцување со ножот, е доказ за некој што „изгубил контрола“. Тие исто така наведоа дека тој имал тежок семеен живот, со мајка со ментални проблеми и татко кој го тепал.

Сепак, најшокантниот дел од приказната е што училиштето и полицијата со месеци знаеле за опсесијата на Кан со оружје. Во неговиот телефон биле пронајдени фотографии како позира со оружје. Во декември минатата година, неговата мајка му пронашла секира во торбата и го известила училиштето, кое ја повикало полицијата. Тогаш полицаец само го „предупредил“ Кан.

Мајката на Харви, Каролин Вилгус, изјави дека повеќе го обвинува училиштето отколку убиецот. Таа тврди дека училиштето пропуштило бројни знаци на предупредување. „Daily Mail“ открил дека друг родител уште во октомври 2024 година пријавил во училиштето дека Кан им покажува секира на други ученици, но училиштето не презело ништо.

На денот на убиството, снимките покажале дека Кан го провоцирал Харви, па дури и му гестикулирал со нож во џебот еден час пред убиството. Целиот инцидент кој траеше девет секунди, започна кога Харви му пришол на Кан и го турнал по рамото, по што Кан веднаш го извадил ножот и го избодел двапати.

@itvnews

This CCTV footage shows the moments leading up to a fatal school stabbing in Sheffield. In it, we see 15-year-old Mohammed Umar Khan arriving at All Saints Catholic High School and shoving fellow pupil Harvey Willgoose in the corridor. He then went on to stab him to death during their lunch break. Khan has now been jailed for life, with a minimum term of 16 years. #itvnews

♬ original sound – itvnews