Една од најпопуларните жени во светот е во целибат веќе 3 години: Не гледа никого, ниту се слуша со него

Клои Кардашијан во новата епизода од реалното шоу „The Kardashians“ призна нешто што одекна далеку надвор од светот на славните.

„Немам секс повеќе од три години“, рече таа искрено, оставајќи ги и семејството и гледачите во неверување. За жена чиј живот со години беше отворена книга, од бурни врски до јавни раскинувања, ова признание означува пресвртница. Наместо љубовни наслови, Клои сега пишува приказна за приоритетите, мирот и границите кои самата си ги поставила.

Семејството пред сè

Нејзината одлука не е, како што мислат многумина, само последица на раскинувањето со кошаркарот Тристан Томпсон. Напротив, тоа е резултат на свесен избор целата енергија да ја насочи кон она што ѝ е најважно – децата и работата.

„Немам ничиј број, нема пораки, нема голи слики – едноставно, тоа не е мојот фокус“, рече Клои со насмевка.

Нејзините деца, Тру (7) и Тејтум (3), станаа центар на нејзиниот свет. Нејзините пријатели беа во шок кога темата дојде на разговор за интимноста – особено кога една од сестрите, Кортни Кардашијан, спомна свој нов суплемент за либидо. Пријателот Сајмон се пошегувал дека „тој суплемент е идеален за Клои“, на што таа само кратко одговорила: „Јас не излегувам со никого. Нема пораки. Нема состаноци. Ништо.“

Повеќе од само раскинување – поставување граници

Клои со години беше во центарот на скандали – неверства, раскинувања, смирувања. По последното разделување со Тристан во 2021 година, таа одлучи да се повлече и да го пронајде својот баланс. Сега со Тристан има коректен однос поради децата, но со строги правила: тој во нејзиниот дом може да влезе само кога децата се тука – и само ако таа не е таму.

За неа, мајчинството е и најтешката и најубавата задача. „Да ги обликуваш малите луѓе во добри возрасни е и чест и подарок“, рече таа во едно интервју.

Реакции на јавноста, од поддршка до неверување

По нејзиното признание, социјалните мрежи експлодираа од нагаѓања – дали Клои сепак се гледа со Тристан, дали крие нов партнер? „Престанете да ги туркате тие приказни“, напиша таа на мрежите. „Луѓето ќе веруваат во што сакаат, но понекогаш работите се токму онакви какви што изгледаат.“

Додека Клои балансира помеѓу мајчинството, работата и славата, јасно е дека пронашла нешто што долго ѝ недостасуваше: спокој. Можеби еден ден повторно ќе го отвори срцето, но сега, како што и самата вели, „фокусот е на децата, работата и внатрешниот мир“.