Ова е МИНИМАЛНАТА СУМА за К-15 што мора да ви легне на сметка до крајот на годината!

До крајот на годината, работниците ќе треба задолжително да добијат најмалку по 300 евра како регрес за годишен одмор, познат и како К-15.

Според законот, работодавците се должни да исплатат К-15 најдоцна до 31 декември. Овој износ изнесува најмалку 40% од просечната плата.

За 2025 година, минималната сума на К-15 изнесува 18.141 денар (околу 300 евра) за приватниот сектор.

Администрацијата ќе добие 100 евра помалку

Регресот им следува и на административците, при што нивниот износ е утврден на 12.372 денари, што е за околу 100 евра помалку од минималниот износ во приватниот сектор.

Што ако работодавачот не исплати?

Минатата година биле пријавени само 22 случаи на неисплатен К-15, главно во текстилната индустрија. Вработените кои нема да го добијат законскиот минимум можат да се обратат до синдикатот или да поднесат пријава до Државниот инспекторат за труд.