Сонце и облаци пред викендот: Температурите денеска ќе се искачат до 14 степени

Времето денеска (19 декември) ќе биде променливо облачно со сончеви периоди, но претпладнето во одделни котлини ќе биде одбележано со појава на магла.

Утрото е студено со температури кои се спуштаат до -5 степени, но во текот на денот ќе биде релативно топло за овој период од годината, со максимални вредности меѓу 8 и 14 степени. Во Скопје времето е тивко и магливо во делови од котлината, со дневна температура до 8 степени.

Според УХМР, стабилното и суво време ќе се задржи во текот на целиот претстоен викенд и понеделникот. Промена на временската состојба се очекува дури во вторник доцна попладне, кога ќе започне да дува умерен јужен ветер и ќе има услови за слаб локален дожд.