Москва: Планот е само „почетна основа“, бараме сериозни измени

Кремљ го оцени нацрт-мировниот план од 20 точки како „типичен украински документ“ кој не ја отсликува реалноста, најавувајќи дека ќе го разгледаат со „ладна глава“, но инсистираат на суштински промени.

Главниот судир е околу членството во НАТО. Додека Зеленски во овој план одбива ограничување на членството, Москва поставува строги „црвени линии“:

Гаранција за не-проширување на НАТО кон исток.

Неутрален статус за Украина (прифатливо е членство во ЕУ, но не во воена алијанса).

Укинување на санкциите и враќање на замрзнатите руски средства.

Територијални отстапки и демилитаризација Нацрт-планот предлага повлекување на украинските сили од делови на Донецката област, но само ако и Русите се повлечат соодветно.

Градовите како Краматорск и Славјанск би биле дел од демилитаризирана зона со јасно дефинирана безбедносна дистанца.

Економски пакет и гаранции Планот предвидува огромен економски пакет за обнова (инвестиции во АИ, дата центри и гасен сектор), бидејќи воените штети се проценуваат на 800 милијарди долари. Безбедносните гаранции би требало да дојдат од САД и Европа, а доколку Русија нападне повторно, ќе се соочи со воен одговор.