Весна Љ.
Христијан Мицкоски од Минхен порача дека Македонија останува на европскиот курс, но бара достоинствен и принципиелен процес, наместо пат што се претвора во низа билатерални условувања.
Од вчера почна 62-рата Минхенска безбедносна конференција, каде лидери и носители на одлуки расправаат за безбедносните ризици и новата геополитичка реалност. Во тие пораки се провлекува идејата дека „светскиот поредок заснован на правила“ трпи сериозни удари, а Европа мора да се прилагоди со поголема стратегиска зрелост.
-
Петок
699 ден
524.25 ден
Во таа атмосфера, македонската делегација предводена од Мицкоски ја отвори темата за европската интеграција, но со јасна линија: реформите да се мерат по вредности и критериуми, а не по дневни политички блокади. На средба со претседателот на Европскиот совет Антонио Кошта, премиерот ја повторил позицијата дека државата е посветена на ЕУ, но очекува предвидливост и фер третман.
Пораки од Берлин и Софија, истата тема, различен тон
Во јавноста се пренесе и став дека германскиот канцелар Мерц е подготвен да поддржи прием на нови членки, што ја засилува надежта за побрз политички импулс во ЕУ. Од друга страна, в.д. претседателка на Бугарија Јотова по средба со Кошта изрази очекување дека до јуни, на следниот Самит на ЕУ за Западен Балкан, може да се бара решение за прашањето со Северна Македонија, но со порака која остава простор за нови условувања.
Паралелно со политичките средби, најавени се и разговори за инвестиции со раководства на неколку компании, што Владата го позиционира како економски дел од истата европска приказна: стабилност, капитал и долгорочен развој.
