ПЕКОЛНИ ЖЕШТИНИ: Температурите рушат рекорди, државата гори на 39 степени!

Времето денеска ќе биде сончево и екстремно топло. Ќе има само мала до умерена локална облачност низ државата. Минималната температура ќе се движи од 13 до 21, а максималната ќе достигне пеколни 39 степени. Ќе дува слаб до умерен југоисточен ветер, кој долж Повардарието повремено ќе засилува.

Скопје се топи на 38 степени

Главниот град воопшто нема да биде поштеден од горештините. Во Скопје се очекува сончево и многу топло време во текот на целиот ден. Ќе дува слаб до умерен јужен ветер. Дневната максимална температура во метрополата ќе се искачи до високи 38 степени.

Викенд шок: Од екстремно сонце до невреме

Следува период на стабилно и многу топло време во текот на работната недела. Но, за време на викендот нè очекува вистински метеоролошки хаос. Дневните температури на места се очекува да надминат дури и 40 степени, пред да започне големата нестабилност.

„Во деновите од викендот ќе има услови за локална нестабилност со пороен дожд, грмежи, засилен ветер и изолирано невреме со силен ветер и појава на град.“