Весна Љ.
Демант од сопствените редови и милионски трошоци
Во најновото партиско соопштение, СДСМ истакнува дека владиниот портпарол практично ги демантирал претходните тврдења на премиерот. „Уште еднаш се потврди дека арамијата Мицкоски штом отвори уста лаже. Вчера, дури и неговата портпаролка на Владата го демантираше на прес-конференција. Не се ‘0 денари’ како што лажеше, туку за прославата на независноста потрошени се над 5 милиони евра, народни пари“, се вели во острата реакција на партијата.
-
La Linea v1
699 ден
524.25 ден
Од СДСМ нагласуваат дека со ова се потврдило сè што лидерот Венко Филипче и партијата го говореле од самиот почеток. Според нивните тврдења, овие огромни средства биле исплатени преку АД Државна лотарија, компанија која е во 100-отстотна државна сопственост, при што „никој не знае каде и за што се потрошени“.
„Откако призна дека не се ‘0 денари’ туку над 5 милиони евра, Мицкоски јавно да објави каде завршија парите на граѓаните.“
Барање за итен отчет и обвинувања за проневера
Опозицијата бара итно и транспарентно објавување на сите детали поврзани со финансирањето на настаните за 8 Септември. Тие јавно прашуваат кои компании добиле милиони евра народни пари, врз основа на кои критериуми и колкав дел од сумата бил потрошен за, како што велат, „провизии и проценти“.
Социјалдемократите одат и чекор понатаму, нарекувајќи ја ситуацијата „голема проневера на пари“ и „арамиски концепт на владеење“ на Мицкоски и неговата структура. Тие бараат премиерот веднаш да ги објави сите исплати, за граѓаните конечно да дознаат кој, колку пари добил и за какви точно услуги биле потрошени средствата од буџетот.
