Аларм на границата со НАТО: Полска ги подигна ловците додека руски ракети паѓаа врз западна Украина!

Масивен руски удар врз Украина: Ракети и дронови ги тресеа Киев, Одеса и Луцк, Полска итно ја крена авијацијата

Русија изврши еден од помасовните комбинирани напади во последно време, лансирајќи бранови од ракети и десетици дронови врз повеќе украински градови, што резултираше со активирање на сирените за воздушна опасност низ целата земја. Експлозии одекнаа во Полтава, Луцк, Одеса и Запорожје, а дронови беа забележани дури и во Лавовската област на крајот на западот. Во Киевската област се повредени најмалку три лица – 42-годишен маж во градот Фастив и две жени во Вишгородската област, од кои едната е хоспитализирана.

I saw it today –
two banks of Kyiv:
one with electricity,
the other without.

A powerful sight. pic.twitter.com/T8tnW7911t

— Yaroslava (@strategywoman) December 5, 2025

Погодена железницата и складишта за храна, НАТО членката во состојба на готовност

Украинските железници потврдија дека во Фастив (60 км од Киев) е извршено „масовно гранатирање на железничката инфраструктура“, додека градоначалникот на Луцк извести за пожари во складишта за храна. Поради интензитетот на нападите во западна Украина, во непосредна близина на границата со НАТО, полското воено воздухопловство итно подигна борбени авиони за да го заштити својот воздушен простор. Оваа ескалација се толкува како одговор на украинските напади со дронови врз руските енергетски капацитети (пристаништето Темрјук и рафинеријата Сизран) извршени пред два дена.