ДРАМА ВО ТУРЦИЈА: Пожар проголта туристички брод, 115 лица се спасуваа скокајќи во морето!

Според информациите на турската државна агенција Анадолија, пожарот започнал околу 11 часот претпладне во кујната на бродот додека тој пловел во заливот Катранџи. Пламените јазици многу брзо се прошириле низ целото пловило, предизвикувајќи масовна паника меѓу туристите.

FETHİYE’DE GEZİ TEKNESİ YANGINI: 115 KİŞİ DENİZE ATLADI

Muğla’nın Fethiye ilçesi açıklarında, içerisinde 115 kişinin bulunduğu gezi teknesinde henüz belirlenemeyen nedenle yangın çıktı.

Alevlerin kısa sürede büyümesi üzerine teknede bulunan yolcular can yeleklerini giyerek… pic.twitter.com/A4JIL3Ksa1

— TV100 (@tv100) August 13, 2026

Скокале во море со елеци за спасување

Откако станало јасно дека огнот е надвор од контрола, сите 115 лица кои се наоѓале на палубата, меѓу кои имало и деца, ставиле спасувачки елеци и скокнале во морските води. Брзата интервенција на припадниците на противпожарната служба и крајбрежната стража за среќа спречила голема трагедија и сите биле успешно евакуирани.

„Засега нема пријавени загинати или сериозно повредени лица. Децата биле превентивно прегледани од медицинските екипи на терен, додека две лица се пренесени во болница исклучиво поради проблеми предизвикани од вдишување чад.“

Откако пожарот бил целосно изгаснат, утврдено е дека туристичкиот брод претрпел огромни материјални оштетувања и повеќе не бил во состојба да продолжи со пловидба, по што започнало негово влечење кон брегот. Надлежните турски служби веќе отворија официјална истрага за да се утврди точната причина за избувнувањето на пожарот.