Орбан со драматичен апел: „Следните денови се критични – или мир или војната доаѓа во Европа!“

Сериозно предупредување од Орбан: „Во наредните денови ќе се одлучи дали војната ќе се прошири низ цела Европа или жарот ќе згасне“

Унгарскиот премиер Виктор Орбан испрати драматично предупредување до меѓународната јавност, истакнувајќи дека токму следните неколку дена се пресудни за иднината на конфликтот меѓу Русија и Украина. Според него, клучот за мир лежи во директните преговори меѓу Вашингтон и Москва. „Ако важните преговори меѓу САД и Русија бидат успешни, жарот на војната ќе згасне и луѓето во Унгарија ќе можат полесно да дишат. Меѓутоа, ако преовлада волјата на Европејците, кои мислат дека војната треба да се реши на бојното поле, а не преку дипломатија, конфликтот може да се прошири поблиску до нас и заканата ќе расте“, изјави Орбан.

Украина како „тампон држава“ и факторот време кој работи за Русија

Орбан повтори дека идеалниот повоен поредок треба да вклучува трансформација на Украина во „тампон држава“ помеѓу НАТО и Русија, критикувајќи го Западот дека веќе де факто го интегрирал Киев во Алијансата преку масовно вооружување. Тој направи мрачна прогноза за Киев, оценувајќи дека времето во моментов е на страната на Русија: „Што подолго трае постигнувањето на мирот, Украина ќе губи сè повеќе територии и човечки животи“, заклучи унгарскиот лидер, повикувајќи на итен прекин на непријателствата.