Погледнете со кого Путин го прослави Божиќ

„По налог на Господ“: Путин го дочека Божиќ опкружен со војници и нивните семејства (ФОТО)

Рускиот претседател Владимир Путин ја продолжи традицијата и присуствуваше на божиќната литургија, но оваа година сценографијата испрати специфична порака. Во црквата „Свети Ѓорѓи“ близу Москва, Путин не беше сам, туку стоеше рамо до рамо со униформирани војници, кои беа придружувани од своите сопруги и деца.

„Света мисија за одбрана на Татковината“

Облечен во темно одело без вратоврска, Путин го искористи празникот за да ја поврзе вербата со воените дејствија.

„Руските војници отсекогаш ја извршувале оваа мисија за одбрана на Татковината и нејзиниот народ како по налог на Господ“, порача тој по службата, додавајќи дека народот во нив гледа свети заштитници.

Пофалби за Црквата

Во официјалната честитка објавена од Кремљ, Путин ѝ се заблагодари на Руската православна црква за „уникатниот придонес“ во обединувањето на општеството. Тој посебно ја истакна улогата на црквата во поддршката на учесниците во „специјалната воена операција“ и грижата за ветераните.