Путин пред маратон: Над 2 милиони прашања стигнаа до Кремљ за годишната прес-конференција

Рускиот претседател Владимир Путин денеска ќе го одржи својот традиционален медиумски маратон, комбинирајќи ја големата годишна прес-конференција со ТВ-форматот „Директна линија“.

Интересот за настанот е огромен, при што руската државна телевизија потврди дека се пристигнати над 2 милиони прашања од граѓаните и новинарите. Портпаролот на Кремљ, Дмитриј Песков, истакна дека претседателот интензивно се подготвувал за овој настап.

Се очекува Путин со часови да одговара на прашања (ланската конференција траеше скоро 4 и пол часа), а главни теми, покрај војната во Украина, ќе бидат и внатрешните предизвици: сиромаштијата, проблемите во здравствениот систем и лошата инфраструктура, за кои граѓаните најчесто бараат директни решенија од шефот на државата.