Весна Љ.
Вучиќ го потврди поразот, студентите со стабилно мнозинство
Носителот на листата „Обединета Србија“, Александар Вучиќ, синоќа соопшти дека ја изгубиле изборната трка. Иако конечните резултати сè уште се пребројуваат, тој врз основа на стратификуван примерок потврди дека победничката студентска листа ќе освои меѓу 135 и 140 мандати. Неговиот политички блок се очекува да добие околу 105 мандати, додека други партии не успеале да го поминат изборниот праг за влез во Собранието.
-
Време за пиво
699 ден
524.25 ден
Со ова завршува 14-годишното владеење на Вучиќ, кој е на власт во Србија од 2012 година, извршувајќи функции од вицепремиер и премиер, до претседател на државата.
Славје низ градовите и порака за слободна Србија
Веднаш по затворањето на избирачките места, еуфорија ги зафати улиците на Белград, Нови Сад, Ниш, Крагуевац, Чачак, Краљево и Смедерево. Граѓаните славеа со песни, труби, факели и автомобилски сирени. Носителот на победничката листа, Илија Срдановиќ, истакна дека земјата конечно чекори кон цивилизирана и подобра иднина.
„Србија победи и никогаш повеќе нема да има тирани во земјата. Горд сум на овој народ кој знаеше да му каже не на тиранинот. Новинарската професија, исто како и Србија, покажа дека вистината победува“, порача Срдановиќ пред илјадниците поддржувачи.
