Уметникот Бипл ги претвори Маск, Безос и Закерберг во кучиња-роботи кои „какаат“ уметност

На меѓународниот саем „Арт Базел Мајами Бич 2025“, дигиталниот уметник Бипл ја претстави својата вирална инсталација „Регулар Енималс“, која се состои од роботи-кучиња со глави на технолошките милијардери Илон Маск, Џеф Безос и Марк Закерберг.

Овие гротескни механички миленици се движат низ просторот, ги снимаат посетителите и преку вештачка интелигенција „какаат“ испечатени фотографии стилизирани според уметниците или могулите чии глави ги носат. Иако делото е критика за тоа кој ја контролира нашата визуелна реалност, Бипл успеа добро да заработи, продавајќи ги роботите за околу 100.000 долари по парче веднаш по отворањето за ВИП-публиката.