Агелер со остра критика до Филипче: „Правите лоша услуга на граѓаните со темата за мигрантите“

Американската амбасадорка Ангела Агелер во интервју за телевизија Сител упати остра порака до лидерот на СДСМ, Венко Филипче, оценувајќи дека сведувањето на важното прашање за миграцијата на политичка тема е непродуктивно и претставува „лоша услуга за граѓаните“.

Таа истакна дека САД разговараат за миграцијата со многу сојузници, но тоа е нормален дијалог за глобален проблем, а не политички заговор. Агелер нагласи дека партиските препукувања „само за да не се согласувате“ се бескорисни и ги одвраќаат младите, кои бараат решенија за економијата, здравството и безбедноста, а не дневна политика.

Во однос на борбата против корупцијата, амбасадорката се изјасни како оптимист, посочувајќи дека гледа луѓе во Владата и судството кои се искрено посветени на промени. Таа забележала зголемено ниво на свест кај граѓаните и барање за одговорност од избраните функционери, спомнувајќи ги случувањата во Кочани и локалните избори како примери за будење на јавната свест.