Зеленски со амбициозен план: Украина ќе прави свои ракети и ПВО системи

Прекртница во војната: Украина развива сопствен „штит“ против руските ракети

Украинскиот претседател Володимир Зеленски најави амбициозен стратешки план – земјата да започне со масовно производство на домашни системи за противвоздушна одбрана (ПВО) и ракети. На свеченоста по повод Денот на дипломатите, тој истакна дека ова е клучниот чекор што ќе го промени балансот на моќта во регионот и ќе ја зацврсти позицијата на Украина како лидер во воената индустрија во Европа.

„Блиску сме до целта“

Иако призна дека станува збор за исклучително сложена задача која бара време, Зеленски потврди дека украинските специјалисти веќе работат на случајот и се „блиску до постигнување резултати“. Планот вклучува самостојно производство или соработка со стратешките партнери, додека паралелно продолжува набавката на системи од западните сојузници за тековните потреби на фронтот.