Искористете го сонцето до сабота: Температури до 32 степена пред големата промена

Сончево и топло ширум земјава

Според најновите метеоролошки најави, денеска нè очекува претежно сончево време со мала до умерена локална облачност. Минималните утрински температури ќе се движат во интервалот од 8 до 16 степени, додека максималните дневни вредности ќе се искачат од 26 до 32 степена. Низ поголемиот дел од државата ќе дува слаб до умерен ветер од југоисточен правец.

Слични временски прилики се очекуваат и во главниот град. Во Скопје времето ќе биде сончево со мала облачност и слаб југоисточен ветер. Температурата изутрина ќе се спушти до 13 степени, а преку денот ќе достигне пријатни 31 степен.

Драстична промена од недела

Ваквото стабилно и топло време ќе се задржи само уште во текот на утрешниот ден (сабота). Веќе од недела следува значителна промена на временската слика.

„Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Ова ќе биде само вовед во вистинското есенско заладување кое следува веднаш потоа“, предупредуваат синоптичарите.

Од вторник, поради продор на постуден воздух од север, ќе настапи значително опаѓање на дневните температури, со што дефинитивно ќе го почувствуваме вистинскиот почеток на есента низ целата држава.