Историска посета: Првиот американски папа пристигна во Турција на средба со Ердоган

Папата Лав го започнува своето прво патување надвор од Италија со историска посета на Турција, каде што ќе се сретне со претседателот Ердоган.

Првиот американски папа ја избра претежно муслиманската Турција како своја прва странска дестинација за да ја одбележи 1700-годишнината од Првиот вселенски собор во Никеја. Се очекува тој да апелира за мир на Блискиот Исток и да се обиде да поттикне единство меѓу христијанските цркви.

Средби во Анкара и Истанбул, следна дестинација Либан

70-годишниот поглавар на Католичката црква пристигна во Анкара на средба со државниот врв, а вечерва ќе отпатува за Истанбул на средба со вселенскиот патријарх Вартоломеј. Аналитичарите го следат ова патување како прва можност да се разјаснат геополитичките ставови на новиот папа, кој по Турција планира да го посети и Либан.