Историски рекорд: Илон Маск е првиот човек со богатство над 700 милијарди долари

Американскиот технолошки могул Илон Маск испиша нова историја, станувајќи првиот човек на планетата чие богатство надмина неверојатни 700 милијарди долари.

Овој финансиски земјотрес се случи само неколку дена откако ја надмина границата од 600 милијарди, што покажува незапаметено темпо на раст. Неговата моментална нето-вредност сега е поголема од државните буџети на повеќе од 180 земји во светот.

Главниот двигател на ова богатство е вртоглавиот раст на акциите на неговите компании, пред сè Tesla и SpaceX, како и инвестициите во вештачка интелигенција. Сепак, економистите предупредуваат дека ова е „берзанско богатство“ – тоа зависи од пазарната вредност на акциите и може да варира, за разлика од парите во банка.