Весна Љ.
Предупредување за влијанието на Илон Маск
Коментирајќи ги јавните настапи и политичките коментари на милијардерот Илон Маск, украинскиот претседател нагласи дека огромната финансиска и технолошка моќ што ја поседува поединец претставува сериозна закана за суверенитетот на помалите држави. Иако ја истакна важноста на сателитскиот интернет од компанијата SpaceX за одбраната на Украина, Зеленски критички се осврна на коментарите на Маск кои се однесуваат на внатрешната политика на европските земји и САД.
-
Насмевката на музиката
699 ден
524.25 ден
„Кога многу богат човек може да влијае врз американската политика, тоа е опасно за помалите земји“, предупреди украинскиот претседател, додавајќи дека границите на мешање во надворешната политика не смеат да се преминуваат поради лични ставови.
Очекувања од американските демократи и прашањето за избори
Зеленски ја поздрави победата на демократите на изборите за американскиот Конгрес, изразувајќи надеж дека новиот однос на силите ќе придонесе за зајакнување на воената и финансиската помош за Киев, што според него би го принудило рускиот претседател Владимир Путин на преговори.
Во врска со шпекулациите за одржување избори во услови на воена состојба, Зеленски повтори дека тоа во моментов е невозможно и нефер кон милионите раселени граѓани, војниците на фронтот и оние што живеат под окупација, но предложил можен концепт за зимско примирје со цел хуманитарно олеснување и подготовка на демократски процеси.
Барање за ракети „Таурус“ и пат од комедија до политика
Украинскиот лидер упати и ново барање до Германија за испорака на крстосувачки ракети „Таурус“, нагласувајќи дека тие се неопходни за уништување на руските лансери за балистички ракети со кои се напаѓа украинската инфраструктура. Воедно, тој изрази благодарност до германската влада за досегашната огромна поддршка во системите противвоздушна одбрана и хуманитарната помош.
На крајот од разговорот, осврнувајќи се на својата трансформација од телевизиски комичар и актер во раководител на држава во војна, Зеленски емотивно заклучи: „Јас сум кловн… Двајцата го правевме тоа [низ смеење и сатира]. А сега седиме тука и мораме да разговараме за војна. Што, по ѓаволите, се случи?“
„Опасно е кога еден човек има толку голема моќ… Кога многу богат човек може да влијае врз американската политика, тоа е опасно за помалите земји“, истакна Зеленски.
