Спремете пари за „влезница“ во ЕУ: Од крајот на 2026 се воведува такса од 20 евра

Крај на „бесплатното“ патување: Од крајот на 2026 плаќаме 20 евра за влез во ЕУ

Од 2026 година, патувањето во Европската Унија за македонските граѓани практично добива визен режим. Според новите правила, во последниот квартал од годината стапува на сила системот ETIAS, кој ќе бара задолжителна „патна дозвола“ за влез во 30 европски земји. Ова задоволство ќе чини 20 евра, а аплицирањето ќе се врши електронски.

Прво EES во април, потоа ETIAS

Пред воведувањето на таксата, на 10 април 2026 се очекува целосна имплементација на EES системот (биометриска контрола на влез/излез) на сите гранични премини. Откако ETIAS ќе стапи на сила, дозволата ќе биде поврзана со пасошот и ќе важи три години (или до истекот на пасошот). Сепак, важно е да се знае: поседувањето ETIAS не гарантира влез – граничниот полицаец сепак ја има последната одлука.