ВКЛУЧЕН МЕТЕО АЛАРМ: Обилни дождови ја поплавуваат јужна Македонија, наврнаа 40 литри!

Голем влажен бран ја зафати Македонија: Предупредување за обилни врнежи и до 40 литри дожд на метар квадратен!

Под влијание на моќна циклонска активност и голем влажен бран кој надира од југ, денеска целата територија на Македонија ќе биде под облаци и интензивни врнежи. Синоптичарите издадоа сериозно предупредување, особено за јужните предели на државата, каде што се очекува врнежите да бидат најобилни. Според прогнозите, локално во овие региони за само 24 часа ќе наврнат над 40 литри дожд на метар квадратен, што може да предизвика зголемување на водостоите и локални излевања.

Дожд во градовите, снег на високите врвови

Додека котлините и пониските места ќе се соочат со дожд и влажно време, на повисоките планини зимата ќе го покаже своето лице. На надморска височина над 1.700 и 1.800 метри, дождот ќе премине во врнежи од снег. Граѓаните се повикуваат на зголемена внимателност, особено во сообраќајот поради влажните коловози и намалената видливост предизвикана од обилните паѓавини.