ВМРО-ДПМНЕ распали по Филипче: Каква е таа обнова со луѓето на Заев?

ВМРО-ДПМНЕ распали по „реформите“ на Филипче: Наумоски и Крајовски се доказ дека Заев сè уште владее со СДСМ

Опозициската ВМРО-ДПМНЕ преку соопштение жестоко реагираше на новите кадровски решенија во Извршниот одбор на СДСМ. Според нив, наводната „обнова“ најавена од Венко Филипче е само фарса, бидејќи партијата ги враќа на сцена истите луѓе од времето на Зоран Заев. „СДС е партија што не тоне од грешки, туку од убеденост дека јавноста нема меморија,“ се вели во реакцијата, посочувајќи дека старите кадри се продаваат како нова енергија.

Скандали, тендери и злоупотреби: Кои се „новите“ лица?

Партијата директно ги прозва Александар Наумоски и Драган Крајовски. За екс-градоначалникот на Ѓорче Петров, Наумоски, потсетуваат на скандалозната набавка на машини за перење од 25.500 евра и зголемувањето на личната плата додека општината тонела во проблеми. За Крајовски, поранешен директор на затворот во Битола, ВМРО-ДПМНЕ обвинува дека молчел за пожари во ќелиите и ги користел службените возила за приватни патувања во Албанија и Србија.