Весна Љ.
Граѓаните на Гостивар треба да бидат спокојни, бидејќи институциите преземаат мерки за нормализирање на водоснабдувањето, соопштија од ВМРО-ДПМНЕ.
-
Кафе и пиво
699 ден
524.25 ден
Од партијата тврдат дека процесот на стабилизација е при крај и дека во наредните денови се очекува воспоставување редовно и безбедно снабдување со технички исправна вода.
Реакцијата следува по обвинувањата од СДСМ поврзани со состојбата со водата во Гостивар.
ВМРО-ДПМНЕ: Се намалува бројот на граѓани кои бараат лекарска помош
Од ВМРО-ДПМНЕ наведуваат дека владините институции активно работат на надминување на проблемот и на целосна стабилизација на состојбата.
Според партијата, бројот на граѓани кои бараат медицинска помош континуирано се намалува, што го оценуваат како показател дека состојбата се подобрува.
Тие го обвинија СДСМ дека се обидува политички да профитира од случајот, наместо да побара одговорност од локалните функционери.
Од партијата посочија дека проблемот бил создаден од кадри поврзани со коалицијата на СДСМ, ДУИ и Алијанса за Албанците на Арбен Таравари.
Обвинувања за користење застарени информации
ВМРО-ДПМНЕ тврди дека СДСМ пласира непрецизни информации и користи застарени извештаи во јавните настапи.
Според нив, со ваквиот пристап се создава непотребно чувство на несигурност кај граѓаните, иако институциите работат на нормализирање на состојбата.
Од партијата се осврнаа и на претходните тврдења за квалитетот на водата во Валандово.
Тие наведуваат дека вонредните анализи ги демантирале наводите дека водата таму не е безбедна за пиење.
Побараа одговорност од Валбон Лимани
Од ВМРО-ДПМНЕ побараа СДСМ да престане со, како што велат, ширење дезинформации и да побара одговорност од гостиварскиот градоначалник Валбон Лимани.
Партијата го обвини Лимани дека не презел морална одговорност за состојбата со водоснабдувањето во општината.
Од ВМРО-ДПМНЕ повторија дека надлежните институции преземаат конкретни мерки и дека процесот на нормализирање на состојбата во Гостивар е во завршна фаза.
