Дубаи под вода: Пустината се претвори во мочуриште, улиците станаа реки

Силни грмотевици и обилни дождови го погодија Дубаи, предизвикувајќи масовни поплави кои ги претворија градските улици во реки и предизвикаа сообраќаен колапс.

Според официјалните податоци, ова се најинтензивните врнежи забележани во Обединетите Арапски Емирати во последните 76 години.

Властите издадоа итни препораки:

Граѓаните да не ги напуштаат своите домови најмалку до петок попладне.

Приватниот сектор да премине на режим на работа од дома.

Патниците да очекуваат значителни доцнења на летовите на аеродромите во Дубаи и Абу Даби.

Националниот центар за метеорологија истакнува дека овие екстремни временски услови, кои ги погодија и подрачјата со слаб систем за одводнување, се директна последица на климатските промени.