ПАДОТ НА ЕДНА СУПЕРЅВЕЗДА: Погба повторно на улица, на 33 години никој повеќе не го сака во својот тим!

Според тврдењата на француските медиуми, 33-годишниот играч за врска дефинитивно ја завршува својата приказна со тимот од кнежевството. Договорот кој требаше да трае до јуни 2027 година ќе биде предвреме раскинат, а тој повторно станува слободен играч. Погба одигра вкупно шест натпревари по враќањето на терените, но не успеа да остави никаков белег.

Од светски врв до допинг скандали и повреди

Неговата кариера беше исполнета со блескави моменти, но и огромни падови. По младинскиот стаж во Манчестер Јунајтед, тој стана вистинска суперѕвезда во дресот на Јувентус. Подоцна се врати во Манчестер во рекорден трансфер, но бројните повреди целосно го уништија неговиот потенцијал. Враќањето во Јувентус требаше да биде спас за неговата кариера, но заврши со нов шок и неочекуван пад на допинг-тест.

„Со само 14 одиграни натпревари во последните четири години, речиси е невозможно да се замисли дека Погба повторно ќе игра фудбал на највисоко ниво.“

Французинот има импресивна статистика зад себе. Одигра 91 натпревар за националниот тим и постигна 11 голови. Тој беше клучен играч при освојувањето на Светското првенство во 2018 година и Лигата на нации во 2021 година. Сепак, славното минато не може да ја избрише тажната сегашност. Неговото тело очигледно веќе не може да го издржи пеколниот ритам на модерниот фудбал.