Весна Љ.
Коментирајќи ги сè погласните повици за обединување на опозицијата, Филипче јавно ја етикетираше Левица како „прокси партија на Христијан Мицкоски“. Тој децидно порача дека вистинско опозициско обединување може да се случи единствено со и зад Социјалдемократскиот сојуз на Македонија, како предводник на тој процес.
Критики за проруски ставови и анти-НАТО реторика
-
Балтазар
699 ден
524.25 ден
Филипче не ги штедеше критиките, оценувајќи ја Левица како изразито „проруска партија“. Како клучен доказ за тоа го посочи контроверзниот транспарент „НАТО се убијци“, кој пратениците на Левица неодамна го истакнаа во македонското Собрание. Оваа радикална реторика, според лидерот на СДСМ, е главната пречка за какво било коалицирање.
„Доколку ги сменат своите политики и се откажат од своите ментори и финансиери – мајка Русија и татко Христијан Мицкоски – тие се добредојдени во Фронтот за вистина и правда.“
НАТО и ЕУ како единствен пат напред
Како главен предуслов за приклучување кон таканаречениот Фронт за вистина и правда, Филипче побара радикален пресврт во надворешнополитичките ставови на Левица. „Нека кажат дека НАТО е добро за земјата и дека се за Европската Унија, затоа што проевропските политики се главниот постулат на нашиот фронт“, заклучи Филипче. Со ова, СДСМ јасно ги исцрта црвените линии за идна соработка со останатите опозициски партии.
