во

СДСМ: Синдикалната кошница достигна 70.827 денари, со кирија трошоците одат до 90.000 денари

Опозициската СДСМ денеска реагираше на ноемвриските податоци за синдикалната минимална кошница, која достигна 70.827 денари, оценувајќи дека граѓаните тешко се справуваат со растечките трошоци за живот и дека платите не ги следат поскапувањата.

Раст на трошоците за живот и најавени поскапувања

Според соопштението на СДСМ, вредноста на синдикалната минимална кошница во ноември е зголемена за 469 денари во споредба со претходниот месец. Од партијата посочуваат дека со вклучена кирија за стан, месечните трошоци за едно семејство достигнуваат околу 90.000 денари, при што, како што наведуваат, ниту три минимални плати не се доволни за нивно покривање.

Берово те очекува
Pine & Co. – сместување во Берово, Македонија

Од СДСМ додаваат дека само за храна и пијалаци на едно семејство му се потребни околу 26.000 денари месечно, предупредувајќи дека најавените поскапувања на електричната енергија и парното греење од почетокот на 2027 година дополнително ќе го оптоварат семејниот буџет.

Критики за минималната плата и задолжувањата

Во својата реакција, опозициската партија ја обвинува Владата предводена од Христијан Мицкоски дека не презема конкретни мерки за намалување на цените и поддршка на ранливите категории, како и за одбивањето да ја зголеми минималната плата на 600 евра. Според тврдењата на СДСМ, нема доволно средства за работниците, земјоделците и за зголемување на студентскиот оброк.

Партијата упати критики и за фискалната политика, обвинувајќи ја власта за нови задолжувања од четири милијарди евра за две години и најавени дополнителни две милијарди евра за 2027 година, при што тврдат дека парите се насочуваат кон тендери наместо кон граѓаните.

„Народот едвај врзува крај со крај, затоа што платите не ги следат поскапувањата. Наместо конкретни мерки и решенија за намалување на цените и помош за ранливите категории, владата на Мицкоски не прави ништо“, се наведува во соопштението на СДСМ.

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

ВМРО-ДПМНЕ: СДСМ и Филипче продолжуваат со неосновани обвинувања за „Алта банка“, се најавува ново кривично дело

Спречен шверц на Ќафасан и Меџитлија: Цариниците запленија 470 парчиња козметика и суплементи вредни 149.000 денари