10 Промени кои ќе ви се случат кога ќе наполните 30 години

Ова е период од животот кога многу луѓе веќе знаат што сакаат, се одлучуваат да основат семејство и почнуваат да се движат кон своите цели. Истовремено, ова е период исполнет со многу физички и емоционални промени.

Па, погледнете кои промени можете да ги очекувате откако ќе наполните 30 години.

Успех на работното место

Во 20-тите, луѓето завршуваат факултет, почнуваат кариера и во текот на целата деценија се обидуваат да постигнат нешто.

30-тите се периодот кога конечно ќе го видите плодот од вашиот труд и ќе забележите некаков професионален успех.

Ќе се чувствувате вистински среќни

Една анкета покажала дека дури 70% од испитаниците, кои биле постари од 40 години, не се чувствувале вистински среќни сè додека не наполниле 33 години.

Причината е што во 30-тите сè уште ја имате љубопитноста, но и енергијата и ентузијазмот да преземете нешто во врска со вашите цели и желби.

Ќе почнете да се гледате како возрасна личност

Нашиот карактер најмногу се развива од детството, до 20-тата година. Според едно истражување, овој развој забавува кога ќе наполниме 30 години.

Штом ќе наполните 30, вашиот карактер и вашите желби помалку ќе се менуваат, а истовремено ќе почнете да размислувате и да се однесувате како возрасна личност.

Ќе бидете во одлична физичка форма

Во 30-тите, вашите сила, издржливост и телесна координација се во најдобра форма. Значи, ако не сте почнале досега, почнете да спортувајте во 30-тите.

Ќе имате помалку, но поквалитетни врски

Луѓето во 30-тите настојуваат да го намалуваат својот круг на пријатели. Но од друга страна, оние пријателства што ќе ги задржат, се многу подобри и траат подолго.

Сега поважен ќе ви биде квалитетот на вашите врски, наместо квантитетот.

Патувањето ќе ве исполнува повеќе

Според едно истражување, луѓето вистински почнуваат да уживаат во одморите кога ќе наполнат 31 година. Причината е тоа што на оваа возраст, фокусот не им е во забавите и излегувањето, туку во значајните искуства.

Ова не значи дека во 30-тите ќе го изгубите авантуристичкиот дух. Сепак, ќе имате повеќе пари за патување и ќе можете да правите повеќе работи што ги сакате

Вашиот метаболизам ќе забави

Едно истражување покажало дека во 30-тите имате помали шанси да се здебелите.

Просечната личност се здебелува од 500 грама, до 1 килограм годишно, но ова најчесто се случува во раните 20-ти. После 30-тата, овој број се намалува, што значи можете да ја задржите вашата фигура, дури и после 30 години.

Ќе можете да ја искористите вашата интелигенција до максимум

Некои од најголемите откритија биле направени од 30-годишници. Ова е период кога вашиот мозок е во одлична форма, а дополнително се развива и вашата креативност.

Причината е што до 30-тата ќе имате собрано многу информации и искуства и ќе знаете како да ги искористите.

Можни се промени во менструалниот циклус

Жените можат да почнат да забележуваат промени во менструалниот циклус уште на 30-годишна возраст.

Кога ќе наполните 30, нивото на естроген и прогестерон во телото се намалува. Истовремено, вашата менструација може да трае подолго или пократко и да започнува порано или подоцна.

Ќе се намали производството на колаген

Колагенот е супстанца што ѝ ја дава еластичноста на кожата. Со стареењето, количеството на колаген во организмот се намалува, па на кожата почнуваат да се појавуваат брчки и други знаци на стареење.