Стигна зимската идила: Снежна покривка се формира на планините над 1.300 метри

Македонија и денеска е под влијание на силна циклонска активност од Медитеранот, комбинирана со продор на студен воздух од север, што носи драстична промена на времето.

Во источните предели се очекуваат нови обилни врнежи од дожд, каде локално ќе наврнат над 40 литри на метар квадратен за 24 часа, што ќе предизвика и зголемување на нивото на водата во речните корита. Ќе дува и повремено засилен северен ветер.

Зимска идила на високите места

Студениот бран носи и вистинска зимска атмосфера на планините. На надморска височина над 1.300 и 1.400 метри, дождот ќе премине во снег, при што се очекува формирање на снежна покривка.