ВМРО-ДПМНЕ: СДСМ побегна од Собрание „како нечестивиот од темјан“ кога дојде ред за мигрантите

„Вистината излезе на виделина: СДСМ ја измисли темата за мигрантите за да шири страв, а потоа кукавички побегна од Собранието кога требаше да се соочи со аргументите“, обвинуваат од владејачката ВМРО-ДПМНЕ.

Според партиското соопштение, пратениците на опозицијата ја напуштиле седницата токму кога на дневен ред дошла Резолуцијата поднесена од власта, која има за цел да стави крај на шпекулациите за изградба на мигрантски кампови.

Од ВМРО-ДПМНЕ истакнуваат дека овој документ не само што ја осудува манипулацијата, туку и правно ги поништува сите претходни аранжмани и одлуки за прием на мигранти донесени од владата на Зоран Заев и Венко Филипче. Со ова, велат од партијата, трајно се затвора темата која СДСМ вештачки ја одржуваше за спас на политичките кариери на своето раководство.