Војна против цензурата: Трамп и Рубио ставија петмина европски активисти на црна листа

САД им забрани влез на Европејци: Екс-комесарот Бретон и активисти на „црната листа“ поради цензура

Администрацијата на Трамп повлече радикален потег во заштита на, како што велат, американските ставови. Државниот секретар Марко Рубио објави забрана за влез во САД за петмина Европејци, обвинети дека воделе организирани кампањи за притисок врз технолошките гиганти да спроведуваат цензура. Рубио ги нарече овие лица „радикални активисти“ и предупреди дека Вашингтон повеќе нема да толерира „екстратериторијална цензура“.

Кој се најде на списокот на Рубио?

Меѓу санкционираните е звучното име Тиери Бретон, поранешен еврокомесар за внатрешен пазар кој беше главен за дигиталната регулатива во ЕУ, како и лидери на невладини организации како Имран Ахмед и Џозефин Балон. Мерката подразбира укинување на визните олеснувања, а за оние што евентуално се веќе во САД, можна е и депортација. Ова е дел од пошироката стратегија на САД за ограничување на странското влијание врз онлајн говорот.