ВРЕМЕНСКА ПРОГНОЗА: Сончево претпладне, но попладне можни се поројни дождови и грмежи!

Дневните температури ќе се движат во пријатен интервал од 28 до 33 Целзиусови степени. Во текот на денот ќе дува слаб до умерен ветер од источен правец.

Локален дожд и грмежи попладне

Берово те очекува

A Airbnb ◎ Instagram

Според најавите од синоптичарите, во попладневните часови, претежно во југоисточните делови од државата, ќе има услови за локален пороен дожд проследен со грмежи. Граѓаните кои се наоѓаат во овие региони треба да бидат подготвени за кратки, но поинтензивни врнежи.

Во главниот град, Скопје, времето ќе се задржи сончево со мала до умерена облачност. Во скопската котлина ќе дува слаб до умерен ветер од јужен правец.

Утре значително потопло

Метеоролозите најавуваат видливо потопло време за утрешниот ден. Времето ќе се задржи сончево со мала до умерена локална облачност, но дневните температури ќе бележат пораст и ќе се искачат во интервалот од 30 до 37 степени. Ќе дува слаб до умерен ветер, претежно од југоисточен правец.