Весна Љ.
Трамп: „Го разгледуваме случајот, не сме задоволни“
Коментирајќи ги наводите кои го преплавија американскиот медиумски простор во текот на викендот, Трамп на новинарско прашање кратко одговори дека администрацијата го разгледува случајот и дека не се задоволни од ситуацијата. Тој, сепак, не прецизираше кога би била донесена конечната одлука за нејзина можна смена.
-
Насмевката на музиката
699 ден
524.25 ден
Според извори на Асошиејтед прес, државниот секретар Марко Рубио и претседателот Трамп се крајно незадоволни од нејзиното однесување. Одлуката за повлекување од Атина би можела да биде донесена уште оваа недела.
Серија обвинувања: Закани, подароци и луксуз
Критиките на сметка на поранешната водителка на „Фокс њуз“ и поранешна свршеница на Доналд Трамп Џуниор вклучуваат сериозни наводи за злоупотреба на позицијата. Според пишувањата на „Волстрит журнал“, Гилфојл е обвинета за:
- Уцени и закани: Наводни закани упатени кон грчки функционер.
- Злоупотреба на моќ: Примање несоодветни подароци и нудење пристап до членови на администрацијата на Трамп во замена за финансиски услуги.
- Финансиски малверзации: Барање дури 100.000 долари од политички донатор на Трамп со цел да подмири личен долг на својата кредитна картичка.
- Расипништво: Луксузни патувања со приватни авиони, раскошни забави и бројни поплаки од персоналот на американската амбасада во Атина.
Генералниот инспектор на Стејт департментот веќе ги разгледува овие обвинувања. Гилфојл сè уште не излегла со личен став, но нејзиниот адвокат ги негира сите наводи за недолично однесување.
