Официјална најава од Финансии: Еве колку ќе пораснат платите следната година

Добра вест за работниците: Јанкуловски најави раст на платите во 2026 година

Заменик министерот за финансии, Николче Јанкуловски, излезе со оптимистички прогнози за животниот стандард на граѓаните во наредниот период. Гостувајќи во емисијата „Бизнис 21“, тој презентираше нови проекции кои укажуваат на значително зголемување на примањата на вработените.

Според анализите на министерството, во текот на 2026 година се очекува солиден економски раст кој ќе се одрази на платите. „Очекуваме просечната плата да порасне околу 9,5 до 10%, а минималната плата за околу 7%,“ прецизираше Јанкуловски, најавувајќи подобра куповна моќ за граѓаните.