Весна Љ.
Интеграција базирана на реални заслуги
Македонскиот премиер ја искористи билатералната средба да го реафирмира ставот дека земјата останува цврсто посветена на европската иднина и на неопходните реформи кои значат подобар живот за граѓаните. Сепак, тој испрати јасна порака дека патот кон Европската Унија мора да биде ослободен од нерационални пречки.
„Нашиот став е јасен – европската интеграција мора да се темели на заслуги, исполнети критериуми и реални резултати, а не на нови билатерални условувања кои немаат суштинска врска со европските вредности“, наведе Мицкоски на својот официјален Фејсбук профил по средбата.
Македонија не бара привилегии, туку фер третман
-
Пиво
699 ден
524.25 ден
Покрај евроинтеграциите, двајцата лидери разговарале и за безбедносните предизвици со кои се соочуваат Европа и регионот, како и за преточување на традиционалното пријателство меѓу Скопје и Љубљана во уште посилна економска соработка.
Во однос на европскиот пат, Мицкоски потенцираше дека Македонија не бара ниту привилегии, ниту пократок пат до полноправно членство во европското семејство.
Она на што инсистира македонската страна, според премиерот, е фер и предвидлив процес во кој постигнатото реално ќе се вреднува. Крајната цел е Македонија да биде третирана со почит и да биде прифатена како вистински партнер на меѓународната сцена.
