Весна Љ.
Претседателот на САД, Доналд Трамп, соопшти дека ѝ наредил на американската армија да биде подготвена за жесток воен одговор против Иран доколку Техеран се обиде да организира или изврши атентат врз него.
-
La Linea v2
699 ден
524.25 ден
Трамп го објави предупредувањето на својата социјална мрежа „Трут соушл“, каде што тврдеше дека кон Иран веќе се насочени голем број американски ракети.
„Илјада ракети се подготвени“
Според неговите зборови, илјада ракети биле распоредени и подготвени за напад, додека уште илјадници би можеле да бидат употребени доколку иранските власти ја реализираат заканата против него.
Трамп нагласи дека наредбата веќе е издадена и дека американските вооружени сили се подготвени да нападнат повеќе цели на иранска територија.
Предупредување директно до Техеран
Американскиот претседател ја обвини иранската влада дека на различни места низ светот упатувала закани за негово убиство. Тој порача дека секој обид за напад врз него ќе предизвика масовна американска одмазда.
Изјавата доаѓа во период на повторно заострени односи меѓу Вашингтон и Техеран, како и по извештаите дека американските власти добиле информации за можен нов ирански заговор против Трамп.
Нема автоматско активирање на нападот
Иако Трамп тврди дека оставил конкретни инструкции, американските уставни правила не предвидуваат автоматско започнување воена операција во случај на негова смрт.
Доколку претседателот биде убиен, потпретседателот ја презема функцијата и командата врз вооружените сили, по што новото американско раководство би одлучувало за евентуалниот одговор.
Тензиите продолжуваат да растат
Предупредувањето дополнително ги зголеми стравувањата од нова воена ескалација меѓу САД и Иран. Засега нема официјална потврда од американската армија за точниот број ракети или за деталите од наредбата што ја спомена Трамп.
