Весна Љ.
Британската влада разгледува закон за отстранување на Ендру Маунтбатен-Виндзор од линијата на наследување
Владата на Обединетото Кралство најави дека ќе ја разгледа можноста за законска интервенција со која Ендру Маунтбатен-Виндзор би бил отстранет од кралската линија на наследување. Потенцијалната мерка доаѓа по неговото апсење и испрашување под сомнение за злоупотреба на јавна функција, додека полициската истрага е во тек.
Парламентот во фокус, истрагата во тек
-
Јога шимпанзо
699 ден
524.25 ден
Извор од Бакингемската палата за весникот Тајмс изјавил дека евентуалното отстранување е исклучиво прашање на Парламентот и дека палатата нема да се спротивстави на волјата на законодавната власт. Главниот секретар на Министерството за финансии, Џејмс Мареј, посочил дека владата ги разгледува опциите, но дека во оваа фаза би било несоодветно да се преземе формална акција поради активната истрага.
Ендру моментално е осми во редот за наследување на тронот, зад принцот Вилијам и неговите три деца, како и зад принцот Хари и неговите две деца.
Јавен притисок и полициски активности
Анкета на YouGov покажува дека 82 проценти од испитаниците ја поддржуваат идејата за негово отстранување од линијата на наследување, додека 6 проценти се против, а 12 проценти немаат став. Минатата година кралот Чарлс III му ги одзеде кралските титули поради последиците од поврзаноста со осудениот сексуален престапник Џефри Епштајн, обвинувања што тој ги негираше.
Метрополитенската полиција соопшти дека спроведува претреси во неговиот поранешен дом во Беркшир и дека соработува со американските власти за утврдување дали лондонските аеродроми биле користени за трговија со луѓе и сексуална експлоатација. Маунтбатен-Виндзор бил задржан во притвор 11 часа пред да биде ослободен, додека истрагата продолжува.
