Терористички чин во Лвов: Млада полицајка загина, околу 20 ранети

Терористички напад во Лвов: Загина 23-годишна полицајка, десетици повредени во серија експлозии

Најмалку едно лице го загуби животот, а околу дваесет други се ранети во експлозии што рано утрово го потресоа западниот украински град Лвов. Украинските власти нападот го квалификуваа како терористички чин со сериозни последици.

Експлозии за време на полициска интервенција

❗️A terrorist attack took place in the center of 🇺🇦Lviv: one police officer was killed, 24 law enforcement officers were injured

The perpetrators fabricated a report of a store robbery and called the 102 police emergency line. When police units arrived at the scene, the… pic.twitter.com/xvyRj496VB

— 🪖MilitaryNewsUA🇺🇦 (@front_ukrainian) February 22, 2026

Според регионалното обвинителство, инцидентот се случил додека полициска екипа реагирала на итен повик за наводен упад во продавница во близина на центарот на градот. Првата експлозија се активирала веднаш по пристигнувањето на патролата, а втората по доаѓањето на засилување.

Во нападот загина Викторија Шпилка, 23-годишна полицајка која била на должност. Повредени се околу дваесет лица, а оштетени се и патролно и цивилно возило. Според прелиминарните информации, биле активирани рачно изработени експлозивни направи.

Отворена истрага, без официјални осомничени

Регионалното обвинителство отвори истрага за терористички чин, но засега нема официјални информации за можни осомничени. Градоначалникот на Лвов, Андриј Садови, изјави дека станува збор за терористички напад.

Во текот на ноќта и Киев бил цел на ракетни и дрон-напади, при што се слушнале експлозии по активирање на тревога за балистичка закана. Безбедносните служби продолжуваат со истрагата и расчистување на околностите околу нападот.